由網絡歌手到簽約唱片公司染指歌壇、由街頭獻唱至火速竄紅到九展開個唱、由平凡教師蛻變成樂壇新人王；這一年，龍小菌的人生起了180度變化，唯獨其幪面造型始終如一。
「呢一年好意想不到，冇諗過可以成為正式歌手，好開心當初有呢份勇氣企出街頭唱歌」。看不見小菌面部表情，但聽得出她說時充滿喜悅，「我覺得好開心。一年前我教書時會覺得點解我講書冇人聽，係咪好悶呢？因為我教中文科嘅關係？喺教學上有啲沮喪，但家好開心，我可以透過另一啲渠道，去表達我想表達嘅教育內容」。

盼出碟發放正能量

這一年，小菌只換過四套「包到冚」的戰衣，越神秘越惹人遐想，網民起底一律「有殺錯冇放過」，她不勝煩擾，多次叫網民手下留情勿連累無辜，但仍誓死護罩，「音樂好純粹，唔需要睇樣貌身材」。
憑奇特造型及諷刺時弊歌曲成功突圍，訪問、商場騷接踵而來，偏偏收入不穩，淡季薪酬更較任教師時低，但無損唱歌熱情，期望來年推出個人大碟，發放正能量，「呢一年發生好多事，社會多咗好多不安，尤其香港政制係咪真係50年不變呢？點解好似逐步逐步我哋嘅自由越嚟越小，市民好多不安，希望大家堅守住自己嗰一份自由，因為自由好可貴，無論言論定創作，每一個社會上嘅人都應該享有呢個權利」。

最爽：去台灣海洋音樂祭演出
最不爽：幪面造型好焗唔通爽，睇中醫時，醫師一把脈就話我焗親感暑。