恭喜恭喜!

溫哥華時間下午1點40分，即香港時間凌晨5點40分左右，新娘子鍾嘉欣BB，由7名姊妹陪同下，出現了！

苟芸慧、王君馨同李亞男三位處女黨成員殿後，陪住身穿寬身中式裙褂嘅鍾嘉欣步出屋外，準備上車出發去婚宴場地。只見Jeremy似乎好緊張，臨出門前嘉欣細心為其整理禮服，而不慣面對傳媒嘅Jeremy一度眉頭緊皺，沒有表情。

之後兩人就手拖手，小心翼翼地拾級而下，身穿矮踭繡花鞋嘅嘉欣好似好趕時間咁，匆匆上車，未有回應傳媒問題，只係笑笑口話:「我約你哋三點鐘出嚟俾你哋影吖，我驚你哋嚇親我老公呀!」至於Jeremy亦未有受訪，急急拉住鍾嘉欣就上車喇！