「周董」周星馳同佢位紅顏知己于文鳳（圖），真係各自各精采！唔好諗多咗，我哋講嘅，係佢兩位響資本市場最近嘅表現咋！
繼周董入股帝通（8220）仲榮陞埋董事之後，佢背後嘅女人于小姐亦跟住浮面，入股隻如煙集團（329），根據啱啱公佈嘅資料，佢原來已經揸咗15.47%成為第二大股東，于小姐「舞高」股價嘅功力，可能仲分分鐘喺周董之上㖭！
事關14號嗰日話佢入股之嘛，如煙即刻好似坐火箭咁急升兩成，噚日講佢增持唧，大市悶兜兜，如煙照升2.7%，買咗329嘅朋友，會唔會高呼一聲「bingo」呢？