食物福袋送贈貧家
逾200家庭感受愛心關懷
蘋果日報 2004/07/16 00:00
柴米油鹽醬醋茶，是生活最基本需要。蘋果日報慈善基金本着關懷社群精神，設立「蘋果愛心福袋」專戶，為貧困家庭送上載滿食物福袋，實際減輕他們生活支出；專戶成立僅一個月，已有逾200家庭受惠。
對於全無收入的梁家三代來說，每用一分一毫，也要經過深思熟慮。「我哋開支好大，住屋方面每個月要2,000蚊，未計燈油火蠟同食用，唔到你唔擔心。」31歲單親媽媽梁太說。
梁太的丈夫去年在躉船工作時墮海身亡，遺下年過70歲母親、妻子及年僅2歲女兒小靖。梁先生一向為家庭經濟支柱，他離世後，一室婦孺靠其前僱主發放臨時撫恤金過活，梁太與女兒沒有申領綜援金，經濟十分緊絀。
記者日前將一袋盛載絲苗米、食油、豉油、罐頭、即食麵、餅乾、牛奶等食品的福袋送到梁家，她們表現得相當興奮，其中小靖更即時開啓一盒牛奶，喝得津津有味。
梁太表示：「平日我好少買雜糧畀囡囡食，盡量慳得就慳，唔似人哋咁，想食乜就買乜，我哋使一毫子都要諗過度過，所以今次真係好多謝蘋果基金，送咁多禮物畀我哋。」
84歲的陳婆婆接過記者送贈食物福袋後，笑容滿臉，急不及待把食物及醬油逐一拿出，當中包括芝麻餅、威化餅、全蛋麵、米粉、營養麥片、花生油及豉油各一支。
「入面有咁多嘢食，啲餅乾、粉麵，起碼夠我食幾個月。平日為咗慳錢，我通常早、午淨食一餐；𠵱家有咁多餅，以後就有早餐食嘞！」陳婆婆笑瞇瞇地說。
獨居的陳婆婆，丈夫病逝多年，育有2名子女，均已成家立室，各有家庭負擔。陳婆婆曾在布廠從事雜工，退休後靠領綜援維生。
陳婆婆雙眼患白內障，視野模糊不清，現有待安排入院進行白內障手術，另其雙腳飽受風濕骨痛，靠枴杖助行。
陳婆婆生活節儉，平日只會到街市購買便宜餸菜果腹，她坦言：「去超級市場買支豉油都要十幾、廿蚊，真係唔捨得，今日送咁大袋禮物畀我，關心老人家，我覺得好幸福。」
「蘋果愛心福袋」專戶，亟需善長捐款支持，另該專戶歡迎商戶捐贈糧油食品，讓更多有需要人士受惠。
「蘋果愛心福袋」專戶捐款編號：C1345
暖流熱線
電話：29908688
傳真：23702192
電郵：
網址：
陳婆婆接過載滿食物及醬油的福袋後，開心不已。