韓國男團JYJ成員朴有天近日先後被4名女子指控性侵，雖然警方仲調查緊成件事，不過已令朴有天形象大受影響。而朴有天當兵前就曾客串由高修及薛景求主演嘅犯罪片《LucidDream》，而《LucidDream》方面就表示未會因為朴有天嘅涉性侵案而影響新片製作。

據知《LucidDream》已進入後期製作階段，而片商就表示：「我哋對於朴有天一事冇任何回應，除咗警方嘅官方報告，我哋唔可以根據任何說法而講啲咩。唔理朴有天涉性侵案點，《LucidDream》現已進行緊後期製作，預計新片於今年下半年上映，不過仲未落實日期。」