當年今日
關於我們

【典解嘅】同菊梓喬爭一姐? 吳若希話唔會視佢為競爭對手

蘋果日報 2018/12/25 17:24

菊梓喬吳若希李行齊

吳若希同魔術師李行齊今日喺銅鑼灣出席聖誕宣傳活動,兩人一齊玩魔術,曾經螢幕上嘅經典對白「典解嘅」今日重現。
吳若希今年只會參加大台音樂頒獎典禮, 同公司菊梓喬為最大競爭對手,吳若希笑稱:「一姐,佢好努力,大家有了解過佢背景,就知呢個女仔用咗好多時間去追求夢想,見佢攞獎戥佢開心,我唔會視佢為競爭對手,係同行夥伴。」不過以前一姐之位屬吳若希,o依家拱手讓人,佢笑住話:「我o依家都係一姐,喺屋企,唔係,我個女先係,佢係我boss,大家唔好擺咁多焦點喺呢啲事情上喇!」
吳若希搬咗屋一星期,近日忙於執屋,不過噚晚平安夜就一家去咗林盛斌(阿bob)屋企過節,成班朋友一齊,發現阿bob同陳國峰嘅囝囝好搶手,啲囡囡就圍埋一堆玩,但媽咪角度就覺得男仔好搶手,搞到吳若希都想追仔:「我都係咁講,隨緣啦,o依家只想返屋企可以好舒服咁攤唞瞓覺,執屋真係好頹廢,屋企有啲嘢冇用,想捐出去搵機構接收,希望快啲到2019年,工作家庭有新開始。」
精選娛聞,喺晒《娛果》
http://fb.com/appledailyent
empty
吳若希同魔術師李行齊今日喺銅鑼灣出席聖誕宣傳活動
empty
吳若希今年只會參加大台音樂頒獎典禮, 同公司菊梓喬為最大競爭對手
empty
吳若希笑稱:「一姐,佢好努力,大家有了解過佢背景就知呢個女仔花好多時間去追求夢想。」