阿欣甫出娘胎,骨骼生長便與常人有異,童年時進行過無數次手術,常以醫院為家。阿欣母親歎道:「我都唔知阿欣患乜嘢病,佢一出世盆骨同膝頭已經甩咗骱,頸骨比人少一節,手掌、腳掌都向外翻,做過多次手術,最長嗰次喺醫院住咗足足三年。」
由於先天缺陷,阿欣無法走路,起居生活有賴家人照料,經過多年苦練,她已學會用手寫字,現於特殊學校修讀中四文科班。
有信心升讀預科
記者翻看阿欣成績表,發現她成績十分優秀,總平均分達到八十分以上,去年更考獲全級第一名。
「返學好開心,我有信心可以升讀預科,希望第日喺會計或繙譯工作方面發展。」樂天開朗的阿欣說。
然而阿欣要繼續升學,首先要添置一部電動輪椅,解決出入問題,她說:「特殊學校有好多工友幫我推輪椅,但特殊學校無預科部,如果喺其他學校升學,相信唔會有咁多人手資源。」