【動Fun】「同人唔同命，同遮唔同柄。」就以網上交友為例，究竟點解有啲人會咁受歡迎，有啲人就吼都無人吼呢？唔通真係「好醜命生成」？非也非也，唔知閣下有無諗過，原來「事」，就係出喺頭像上！

喺網絡嘅世界，頭像，就係你嘅靈魂之窗！你給人嘅第一個印象，就係從你嘅頭像而嚟。好多人以為用一張搞笑嘅頭像，就可以突出到自己，顯露自己與別不同嘅一面。但係呢個方法有兩個致命傷。一，你張搞笑頭像真係咁搞笑？二，係咪真係個個都識得欣賞你嘅幽默感先？與其估估下，倒不如實際啲啦。

君不見G.E.M.近幾年都刻意收起可愛，成熟起嚟？最近仲以轉咗張韓味十足嘅Profile pic喺微博同fb示人，唔講仲以為「少女時代」有新成員㖭。連呢排紅到爆炸嘅G.E.M.都轉用韓風頭像，唔係仲要諗吓話？即轉！

如果都係想玩特別嘅，無問題，學下佢哋啦！柏豪，Juno同彭于晏嘅頭像絕對係一眾愛格調人士嘅首選。黑白相乃係指定動作，再加上「半遮面」，確實集神秘與型格於一身。
不過切記，遮還遮，點都要留番少少樣喺度，如果唔係，人哋點知你係邊個喎。

只要友心Click　大把朋友等你識
立即玩： http://m-g.nxtomo.hk/loveclick