曾經多次喺比賽度出腳「kick」跌對手嘅杜克大學（Duke）後衛阿倫（Grayson Allen），美國時間星期三晚又喺球隊贏伊隆大學（Elon）72:61嘅NCAA籃球賽上半場「kick」跌對方球員辛達安拿（Steven Santa Ana），杜克大學周四決定罰佢暫時無限期停賽。

阿倫喺「kick」低辛達安拿之後被判技犯，上半場最後4分15秒都要坐喺後備席，但及後都有得再次上陣比賽。完場之後，阿倫仲有向辛達安拿同伊隆大學教練Matt Matheny道歉，而佢後尾喺更衣室仲同記者講到嘁咁滯。不過，杜克大學主帥科錫維斯基（K教練）賽後就話，阿倫嘅行為唔可以接受，佢會用自己方式處理問題，K教練周四透過杜克大學發表簡短聲明罰阿倫無限期停期時就話，阿倫嘅行為唔符合杜克大學標準，所以要採取進一步行動。睇怕阿倫今次真係有排煩喇！

茅躉王起腳「kick」人↓↓↓
http://bit.ly/2i64eo4