政圈近日傳出創立民協嘅馮檢基有意退黨，馮檢基連日以來都無否認傳聞，只透過短訊回覆：「消息都說是流傳，故不答。」有民協中人證實馮有退意，但黨內正極力挽留。沉默多日，馮檢基今日向各傳媒發出採通，指「去向受到傳媒朋友關注」，明日會舉行傳媒茶聚透露現時工作情況。

有關馮檢基嘅去向傳言滿天飛，有民協中人指馮有意退出民協成立新壓力團體，同時已聯絡部份前民協區議員加入；另外亦有人指，馮退出是因為7月發行嘅新書將會炮轟泛民，為免影響民協，佢自行退黨。但亦有人懷疑，馮檢基退黨的最大目的，係為即將舉行嘅立法會九龍西補選鋪路喎!

以上傳聞連日得不到證實，因為馮檢基至今未有作正面回應。民協主席施德來早前就指，中委會未有收到任何人嘅退黨申請。究竟阿基係咪退黨？消息話明日應該唔會講，但成立新平台一事就勢在必行架喇。