楊怡同羅仲謙前年拍《OnCall36小時》撻著，而謙謙亦好似從此收心養性，同緋聞絕緣。不過最近謙謙拍《OnCall36小時》續集，似乎就同岑麗香行得好埋!

《OnCall》續集謙謙同香香有感情線，攞正牌調情，今日有報道話兩個關係超乎尋常，楊怡都收到風，上星期五《OnCall》去南華會外景，同謙謙冇感情線嘅楊怡就喺片場監場，香香同謙謙就忽然唔熟，鏡頭外忽然全無交流，楊怡更一雙眼厲實香香，走時更三個人分頭走。

報道話羅仲謙晚晚兜埋香香收工，就算香香有時收工比謙謙早，都會等埋佢，咁搞法真係好易出事喎!唔怪之報道話楊怡呢期成日去突擊片場，喺片場又唔出聲，依家謙謙同香香都收斂咗，不過一雙眼唔睇得幾多次喎！