有靠領取綜援生活的八旬獨居婆婆投訴，被有線電視職員登門推銷並游說簽「安裝文件」，聲稱毋須付費可收看多個電視台，婆婆蓋印後才知要付安裝費，且「文件」原來是一年合約。本報跟進後，有線稱會加強員工培訓，避免同類事件發生，另亦為婆婆終止服務合約，而毋須繳付餘下月費。

「我話咗唔要，佢哋又猛咁氹我，重話唔使收錢，點知簽完名、裝好機就話裝咗就冇得拆；我盲字都唔識多隻，問人先知原來我簽咗一年約！」年近八旬的李婆婆獨居於香港仔鴨脷洲一公共屋邨，早前被一有線電視職員登門推銷，不知情下登記了一年服務計劃。

「叫我畀200蚊安裝費」
李婆婆憶述，六月初突有一名自稱為有線電視的男職員到其寓所拍門，不斷推銷；由於她覺得沒此需要，故多番婉拒；惟該職員不肯離去，反覆游說，又指「只係多幾個台睇啫，又唔收費用……」李婆婆於盛情難卻下，答應安裝。
目不識丁的李婆婆稱，職員着她於數份文件蓋上圖章，其後便安裝了一部解碼器。「我都唔知嗰幾張紙同嗰嚿機係乜，佢話形式上係咁做我咪聽囉！點知裝完之後就叫我畀200蚊安裝費！原來要錢喎，咁我咪叫佢拆番走，但佢話裝咗就唔拆得！」李婆婆只好照付費用。
李婆婆大感無奈，向鄰居申訴時始發現，除付了200元安裝費外，她所簽的「紙」，竟是有線電視一年服務合約，每月需付199元費用。
「唔怕失禮講，我靠份綜援過活，冇咗200蚊，我冇十餐餸㗎喇！幾十歲都唔放過，呢啲公司好唔要得！」無助的她，最後由親友代筆向本報求助反映。