韓劇《來自星星的你》播完，女主角全智賢成為搶手貨，粉絲非常關心佢嘅行蹤。佢日前喺新西蘭拍外景，噚晚坐商務艙低調來港，眼利網友發現即將佢行蹤貼上網。據知全智賢今次秘密來港係拍攝廣告。

另外，聽日係佢同韓籍老公崔俊赫結婚兩周年紀念，估計佢快盡快完成工作，唔排除今日就趕返去陪老公浪漫一下。