羅主席認為，單單攔住內地孕婦唔畀佢地落嚟生仔，係治標唔治本。佢話要解決香港冇床位生仔問題其實好簡單，只要政府將啲公立醫院空置床位撥畀私家醫院做，咁就多多強國人落嚟生仔都冇有怕。佢又話，香港人其實唔好咁驚雙非落嚟搶資源，因為內地都畀咗好多優惠政策港人，「沙士後自由行嚟香港幫咗我哋好多，家唔好一味鬧佢哋。」
作為「唐營」支持者，羅嘉瑞席間透露近排有同唐唐見過面，仲話唐唐家好鬼開心。唔通係因為見到CY俾人狙擊所以咁開心？雖然羅主席唔肯直接評論CY上場後表現，但就好婉轉咁話，家陣政府做嘢其實好短視，淨係識得頭痛醫頭，腳痛醫腳，根本冇解決過問題嘅核心。