豪花每月十萬，入住三級歷史文物屋嘅張敬軒，今日擔任國際自我保健日香港推廣大使，現身灣仔記者會。

講到軒仔日前邀請密友關智斌同梁洛施兼黃秋生喺文物屋屋企飯聚，軒仔大方話：「搬入去住要申請，當時仲有6、7位住客申請，可能我以往記錄良好兼係有音樂背景，其實以前我要租兩個迷你廠同寫字樓，o依家集中晒喺屋企，所以反而慳番錢，而租約要每年去申請續約。」佢仲話間歷史屋好光猛，唔會擔心有鬼。

講到係咪轉會英皇有好可觀酬勞而豪租文物屋，佢話：「我仲喺舊公司時已經住緊，新公司合約係正常年期，詳細資料留番公司講。」軒仔補充覺得香港樓價太誇張，所以無置業計劃，繼續租住夢想居所。