日本組合SMAP不歡而散，草彅剛、香取慎吾及稻垣吾郎同尊尼事務所終於滿約，同合作多年嘅舊東家分道揚鑣，三子在一片是非中離巢發展，而SMAP五子只有木村拓哉同中居正廣留低。尊尼嘅官網日前公開聲明，表示三子專頁會在約滿當天關閉，唔少粉絲都覺得唏噓。

後日係SMAP出道26周年，香港SMAP歌迷們為紀念呢個日子，再次延續去年年末送俾偶像嘅一番心意，今年將會有四輛SMAP巴士於9月份穿梭香港各地。

對於草彅剛於今年5月被日本雜誌《FRIDAY》發現憔悴出沒東京住宅區，當天草彅放狗時一度坐在街上沉思，並低頭擦眼睛，明顯感觸落淚，精神狀態令fans擔心不已。近日有娛樂網站指，當日草彅坐街飲泣原因係與兄弟決裂有關，有途人聽到佢大鬧「呢個叛徒」、「正混蛋」等，而剛好中居係於當時決定賣甩草彅、香取、稻垣三子，改變主意留低繼續效力尊尼事務所。