【德國羽毛球公開賽】
【本報訊】世界排名第九的香港羽球一哥伍家朗，在德國羽毛球公開賽越戰越勇，繼八強擊敗中國名將林丹後，其「林丹殺手」稱號再度翻生後，上周六晚在四強面對宿敵中國的石宇奇，家朗花了一小時零八分，以2:1取勝，晉身決賽，對台灣一哥兼衞冕的周天成，爭取狗年第一冠。
狗年出世的23歲家朗，上月接受本報農曆新年訪問時，他親自寫了一張揮春，就是「非金即銀」，今個德國公開賽是家朗狗年第一個比賽，他果然講到做到，殺入德國公開賽決賽，坐銀望金。
其實家朗同中國的石宇奇對上四次碰頭，家朗只曾贏過一次，今次能取勝可謂大快人心，至於家朗同世界排名第八的周天成，他們過往對過八次，家朗勝出其中三仗。

但更令家朗開心的，是上周六的英超雙紅會，因為他的愛隊曼聯以2:1擊敗利物浦，雖然他未有觀看直播，但仍替愛隊感到開心：「昨（前）日冇睇曼聯比賽，因為都要專心休息。全英賽前攞到好成績都一定會幫我更加有信心，但同時最大的考驗都會係點樣在下星期保持體力。事隔一年再入決賽當然好興奮，等了很久，而且今次又連贏兩個強敵，都會覺得這個比賽好有價值，但如果贏埋冠軍就會更加完美。」
記者：徐嘉華