DJBob（林盛斌）平時愛喺微博貼家庭照，Bob和太太育有兩女，兩個囡囡好錫爹哋。早前Bob就貼咗張囡囡幫爹哋揼骨照片，搞到Bob滿心歡喜。

以為阿Bob兩個就夠晒數？No啦﹗今午阿Bob就喺微博宣佈喜訊，原來佢太太再度有喜﹗認真恭喜晒，阿Bob貼咗張同太太合照，佢話：「檢查完畢，可以講得嘞！各位，我又做老豆嘞！」不過佢就未透露太太呢胎係仔定女，而Bob唔少圈中老友都喺微博留言送上祝福。