基斯坦奴朗拿度（C朗）早前被爆正同西班牙小姐歌迪露蜜運中，講到直情係新「C朗嫂」咁。不過，31歲嘅C朗真係為咗一棵樹放棄整個森林？似乎唔會囉，因為又有傳媒爆料，指慈善球王明交西班牙小姐，但暗撻意大利索模姬絲汀娜（Cristina Buccino）。據意大利雜誌《LEGGO》報道，姬絲汀娜證實佢喺夏天時，喺伊比沙島首次約會，而且雙方交流中都有好感，姬絲汀娜更大讚C朗甚有紳士風度，齊齊共享晚餐。

姬絲汀娜相比起西班牙小姐歌迪露，身材絕不輸蝕，同樣有索模身型，佢嘅Instagram更有接近百萬粉絲追隨，相當之受歡迎。