日本組合HKT48人氣成員宮脇咲良備受力捧，近年兼任AKB48成員，不過年僅19歲已經是非不絕，樣貌進化之快連fans都跟唔切，多次惹來整容疑雲，連AKB主將渡邊麻友都曾在私人Instagram內直指宮脇咲良同埋兒玉遙係「整容怪」。

宮脇咲良細細個已急不及待扮成熟，唔少網民都認為宮脇容貌又再進化，同以前嘅口扁鼻扁輪廓簡直判若兩人。宮脇近日喺Instagram狂po近照，仲去咗台場舉行嘅夏季嘉年華，穿上多款泳裝化身出水芙蓉，不過佢副尊容又再引起網民討論，化濃妝令宮脇顯得撈味甚重！