潮流興緬懷香港過往黃金歲月,廉署網站個「廉政頻道」噚日上載咗七九年廉政劇集《第九條》,重訪問埋套劇當年嘅監製許仕仁,𠵱家已經退咗休嘅許仕仁喺七七年有政務官唔做,加入廉記做社區關係處助理處長,佢話當時係因為覺得終於可以真正打擊貪污。
當時齣戲嘅製作班底可謂黃金陣容,除咗許仕仁,導演係許鞍華,劇本由陳韻文、嚴浩負責,重情商到查良鏞幫手審閱劇本,又透過佢搵倪匡幫手執劇本。據許仕仁講,向來以寫作效率高見稱嘅倪匡,三個鐘就搞掂個劇本。演員方面,除咗DoDo姐、劉松仁、曾江等𠵱家獨當一面嘅藝人擔綱演出外,當時係許仕仁同事嘅證監會前主席梁定邦同電盈副主席蘇澤光,都有客串。
有興趣嘅讀者們你哋不妨上去
http://www.icac.org.hk/channel 欣賞吓佢哋當年嘅風采。 廉署提供圖片
傳真︰2623-9278
電郵︰[email protected]