周啟邦夫人周譚月清再蝕掟馬鞍山天宇海，先後沽出四伙勁蝕約400萬元。周太稱，連環蝕掟天宇海，是因為這幾個單位「擺喺度冇用……新界又遠」，加上蝕數百萬元不算多，所以「蝕咗佢算」。
市場消息稱，周太前年10月向長實（001）以882.9萬元購入天宇海1A座中層B室，1267方呎，剛以810萬元沽出，連同使費蝕約114萬元。周太過去短短一周內已連沽四伙天宇海，共蝕約400萬元。

擺喺度冇用　新界又遠

周太接受本報查詢時表示，蝕賣天宇海是因樓盤位置偏遠，「擺喺度冇用」，與其將單位空置而每月白交管理費，加上損失數百萬元對她而言不是大數目，所以斬纜了事。至於當初為何購入天宇海？她解釋是被地產經紀遊說所致，「佢哋又乜又物，又話臨海，有海景，見呎價只係六千蚊，幾抵先買」，惟最後並非那回事。
事實上，蝕這四百萬元對周啟邦夫人而言，可謂濕濕碎，其去年以2.39億元購入的黃竹坑工廈，持貨四個月摩出已賺5300萬元。
另有指周太所持部份豪宅亦正蝕賣，如09年斥6334.1萬元購入的尖沙嘴名鑄兩伙，現開價6100萬元蝕賣；鴨脷洲南灣1座某單位，現以購入價4800萬元放售，望蝕使費離場。粗略估計，周太過去三年動用至少8億元掃貨，包括去年斥3.4億元連掃薄扶林貝沙灣兩洋房。展望後市，周太指現時樓價已太高，加上最近「個市麻麻哋」，就算升都不會升得太快。