經常處理破碎家庭問題的郭志英表示，既然男方已決定不再維持該段婚姻，女方都不應該勉強，「都冇可能喺埋一齊咯，倒不如循法律嘅途徑取得最大嘅保障啦，追番自己應有嘅金錢仲實際，無謂為咗一個唔愛你嘅人、破壞家庭幸福嘅人，做啲違法嘅事，好唔值得。」她強調，離婚後男方仍然是孩子的父親，因此應盡養兒育女的責任，經濟支援前妻的生活。至於介入感情的第三者，亦不宜諸多意見，「你都得到個人咯，就唔好去得咁盡啦，有時都要易地而處，要人又要錢嘅諗法，真係太天真啦。」
郭志英又說，子女對父親的行為感怨憤是人之常情，但不應訴諸暴力或不法手段。若遇感情問題不懂解決，可致電明愛婚外情問題熱線：25377247；或明愛向晴軒：18288尋求協助。