當年今日
關於我們

【韓流】見得好密!趙寅成李光洙釜山烤大腸

蘋果日報 2015/10/03 06:00

蘋果香港釜山韓國韓劇即時趙寅成李光洙SBS沒關係,這是愛情突然變異釜山國際電影節好基友

韓國男星李光洙同趙寅成去年因合作劇集《沒關係,這是愛情》而成為好友,繼上星期二人被發現孖男團EXO成員D.O.及韓劇《Oh我的鬼神君》男星林周煥去日本東京過中秋節後,噚晚趙寅成同李光洙再次被影到喺釜山撐枱腳,老友成咁,令唔少網民懷疑二人係「好基友」。

呢幾日李光洙都喺釜山出席釜山國際電影節,今朝仲現身宣傳新片《突然變異》。噚晚,光洙就被人野生捕獲佢同老友趙寅成於釜山「約會」。網民公開嘅照片中,光洙同趙寅成前後腳去一間地道烤大腸店食飯同飲酒,咁當然身邊仲有其他工作人員嘅。

由於趙寅成於釜山電影節中並冇官方活動,所以佢今次現身釜山,好明顯就係探吓光洙。二人明明上星期先同遊日本,噚晚又於釜山撐枱腳,見得咁密,難怪有網民猜疑二人嘅超友情。不過亦有傳趙寅成今次去釜山係傾新電影嘅事,所以順便探朋友。

另外,趙寅成今次去釜山真係行程多多,除咗見光洙,佢仲同工作人員去海雲臺嘅大排檔食海鮮,而眼利嘅網民就發現趙寅成食飯嘅大排檔,跟湯唯前晚同韓籍老公金泰勇食飯嘅大排檔係同一間。