草蜢今日出席尖東市政局百週年紀念花園舉行「閃爍尖東耀香江」亮燈儀式。草蜢話今年聖誕節因為有工作在身，所以會留喺香港過，而佢哋嘅慣例，都係會去參加朋友嘅派對，不過因為朋友佢哋大部份都係圈中朋友多，所以聖誕派對多數都係會提前或者押後舉行，阿智話佢仲試過落廚整火雞畀大家嘆。草蜢又爆當年聖誕去尖沙嘴睇燈飾係大節目，又爆蘇志威(阿細)會喺夜總會門口八卦周圍望。

最近因為徐濠縈嘅「分享症」，引起大家關注網上平台嘅私隱，問蔡一智同阿細怕唔怕小朋友唔識喺網上分享圖片，唔小心令到屋企曝光，阿智話：「我個仔未夠4歲未識，佢哋又無電話，咁阿細嘅女都咁大，係會話得聽。」