【細個見慣道友】演慈雲山十三太保 劉青雲：掂毒品俾人打死都有知
蘋果日報 2017/05/16 21:00
劉青雲林家棟陳慎芝茅躉華毒。誡
(採訪：黃曉妍，攝影：陳俊強)- 劉青雲話細細個成日喺附近見到道友。
- 話打死都唔掂毒品。
- 兩個影帝級喺戲中鬥戲。
- 仲有張晉同古天樂。(資料圖片)
- (資料圖片)
兩大影帝劉青雲、林家棟夥拍張晉主演、陳慎芝監製嘅電影《毒。誡》，將於本月18日上映，故事以陳慎芝喺60、70年代慈雲山黑社會嘅日子改編而成。飾演茅躉華嘅青雲，同喇叭(家棟飾演)、貓仔(張晉飾演)組成嘅慈雲山十三太保，無惡不作，吸毒、販毒、打架瓣瓣齊，最後改邪歸正，正正描述當時嘅社會，係一部寫實電影！
對於戲中陳慎芝指劉青雲演自己有7成似，青雲笑住話：「佢畀面啫，我諗我1成似，關於佢嘅故事，係可以擺去40集嘅連續劇。」
拍攝前，青雲做資料搜集，更得陳慎芝解說何謂毒品，青雲笑住話：「見佢嗰次好重要，佢向我解釋毒品，由包裝、名稱、點樣包、用咩紙包、包成點、咩名追龍、錫紙要點摺，我真係受過專業訓練。」青雲指自己細個喺新蒲崗長大，見慣道友，但佢細細個已經知毒品唔掂得。「細個教育，直接同間接都講咗一定唔可以掂毒品，唔可以食白粉，好清晰，最衰嘅事就係食白粉。真係俾人打死都有知。」
入行多年嘅青雲，影帝拿過了，唔同角色亦演繹過，不過佢就話有一件事，至今依然難倒佢。「我做金像獎主持，嗰頭應承，嗰頭就後悔，我平時講嘢都舌累舌累脷，諗嘢又慢，咁我點樣做主持，我諗諗吓，其實中間冇出現矛盾，我係一直都想做一次，只不過我唔會同你講『不如我做吖』，好難開口，香港有咁多出色嘅司儀，有嘟嘟姐(鄭裕玲)、曾志偉、黃子華，幾時輪到我呀，口窒窒，試吓講一次『香港電影金像獎』呢句，我O依家講都(舌累)啦，但問題就係我要做一次，你夠膽搵我，好，我驚你呀！我咪做囉！」