呢幾日天氣翳悶到一個點，就連屈喺果欄嘅岑麗香、馮盈盈今日都著晒泳衣去沙灘打排球。鬼影變幻球就冇喇，夾胸就有。

上圍31吋嘅馮盈盈，選港姐嗰陣已經俾人話太瘦冇睇頭，今日撞正33C岑麗香，有料到同冇料到，一睇就知道，IP都唔使Check。

今日其實係劇集《果欄中的江湖大嫂》拉隊去荃灣麗都灣泳灘拍外景，盈盈香香齊騷事業線同長腿。曾經喺《衝上雲霄2》著泳衣上陣嘅香香輕易取勝，反而令人擔心夾到實嘅盈盈有呼吸困難。

盈盈話：「選華姐之後好似好少著泳衣見大家。」咁今日件戰衣係自己揀定係公司揀？香香話：「er…之前都有望過嘅。」記者問香香使唔使問過老公強強？佢反問：「我出trip平時係著三點式喎，今日已經唔係喇喎。」不過話時話，今日以眼鏡娘示人嘅香香，小心中招喎…