聖誕檔期上映嘅七部戲，贏輸差不多有晒定局，壓軸推出嗰部《情義我心知》前日啱啱開埋畫，但首日只係收得六十二萬，票房認真麻麻！鬼咩，呢個聖誕檔期咁多大片，而且重有兩部咁勁西片對陣，梗係輸蝕㗎。
票房冠軍就一定係《哈利波特火盃的考驗》（HarryPotterandtheGobletofFire），上咗八日，到前日一共收咗近三千萬港紙，認真厲害！而由彼德積遜（PeterJackson）執導嗰部《KingKong》，上映十六日收約二千七百八十萬，猩猩王呢次都算為彼德再下一城。動畫片《四眼雞丁》（ChickenLittle）上咗六日就收咗九百萬，成績亦唔錯。