【新增影片【
鄉事派籌組新黨以便派人喺九月立法會選舉出戰，組黨主將包括上水鄉事委員會主席侯志強。港台節目《城市論壇》今日亦以鄉事另立門戶，建制如何變陣為主題，請嚟民建聯主席李慧琼、自由黨主席鍾國斌、工聯會副會長黃國健同侯志強辯論一番。點知主持蘇敬恆喺節目開始前5分鐘，仲未搵到侯志強；過咗一陣，先被通知對方因病未能出席。

咁啱突然有病，有花生友質疑佢係咪因病縮沙？八方節目後打過畀侯志強，接通電話已經聽到佢把聲沙晒，傷風定感冒？侯志強強調自己無病，只係噚晚搞咗個歌唱晚會，過去兩星期又忙住搞洪聖爺誕，「招呼萬幾二萬人」，結果今朝起身聲都沙埋，講唔到嘢，佢話一早就叫助理透過WhatsApp通知港台要缺席，唔知主持點解節目開始前都唔知喎。