名譽資深大律師陳文敏逐一拆解，內地如何由搜證、檢控、舉證、審訊、審判各個司法程序充滿弊端，以淪為政權操控工具：「你點知嗰個人有冇犯事呢？要經過程序，但個（內地）程序我哋係冇信心係公平地進行。」

記者 梁穎妍

陳文敏指，在內地刑事檢控制度中，內地逼供情況屢有所聞，「返咗大陸已經認罪，嗰份認罪書有幾多係自願？有幾多係迫出嚟？」

香港與內地的檢控過程，更有雲泥之別。陳文敏指，在香港，控方一早要向辯方提供文件，律師在很早階段已可介入，協助被告：「內地開審前才有律師，律師拎唔到文件，上到庭先有。」他又指，內地證據法仍處雛型，內地審訊仍難以質疑公安的證據，「公安代表國家，係唔質疑得㗎，國家係唔會講大話，國家話你有罪就有罪。」更可怕的是維權律師盤問公安及質疑相關證供，反而成為被告。

陳又質疑內地法官的獨立性：「法院要配合國家，首席法官都話唔相信三權分立、司法獨立，法院要為黨同人民服務。」國內司法制度更容許非聽審的資深法官作判決，「坐喺法庭嗰個可能係比較低級、初級法官，跟住後面冇聽證據嗰班人全部係黨嘅黨員，佢哋去判，所以點解中國所有嚴重案件無一倖免百分之一百入罪。」

昔日新聞：
電視辯論互叫熄咪 曾：你係撕裂2.0 林鄭：會順應民意辭職

相關新聞：【不斷更新】全港大中小學學界聯署「反送中」

【引渡惡法●懶人包】大律師公會逐點K.O.政府修例理由

【引渡惡法●懶人包】一文睇晒立會法律顧問7點質疑修例

民陣6.9反惡法遊行

日期：6月9日（日）
集合地點：維園草地
時間：下午2時30分集合、3時正起步
遊行路線：維園草地遊行至金鐘添美道立法會
（資料來源：民陣）

-----------------------------
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX