一齣劇有幾受歡迎，除咗收視同口碑之外，如果連通訊程式都用劇中人物做表情圖案嘅話，就足證劇集受歡迎。

之前神劇《來自星星的你》中，通訊程式KaKaoTalk就推出過雙賢嘅表情圖案，今次就到人氣劇《太陽的後裔》熱播全城，所以亦令到劇集嘅表情圖片出爐，事實上之前男女主角宋仲基同宋慧喬喺劇中唔同嘅表情已經畀網民喺網上整咗Emoji，而今次就正式由KaKaoTalk推出表情圖案。

今次KaKaoTalk將劇中嘅演員唔同表情整成表情圖片，當中除雙宋外，陳久同金智媛亦都有份，而劇中最多人講嘅「團結」自然成為必有嘅對白，而其他亦包括時下流行嘅詞語。

根據製作方話《太陽的後裔》表情圖片係為咗回報觀眾對劇集嘅喜愛而製作，由於考慮到能夠喺日常生活中方便使用，所以先創造呢輯表情圖片。

粉絲可以由今日開始通過KaKaoTalk購買《太陽》表情圖片。