【《多功能》千嬅】預告片《新紮師妹》歸位 陳庭欣朱晨麗騷胸搶晒鏡
楊千嬅新紮師妹多功能老婆麥路人
楊千嬅自從01年幫大台拍過劇集《美味情緣》之後,闊別公仔箱17年嘅佢,今年終於返大台拍攝新劇《多功能老婆》,有留意開嘅應該都知,今次千嬅劇中同周柏豪最後係一對,不過同柏豪有感情線之前,千嬅係會同黃浩然飾演兩公婆,無獨有偶,黃浩然嘅角色都係叫「劍雄」,再加上千嬅劇中嘅豪邁性格都頗似方麗娟,真係乜《新紮師妹》嘅回憶即時返晒嚟!
有劍雄同千嬅再續前緣都不特止,最正係仲要有埋方鍾Sir許紹雄,不過今次佢就做千嬅阿爸。
《新紮師妹》嘅集體回憶夠吸引,大台姐仔朱晨麗同陳庭欣都好搏,不過佢哋就係「肉搏」,事關喺預告片中,就見到佢哋兩個都唔吝惜地着泳衣騷身材,而且陳庭欣其後更有一幕着住吊帶裙、喺床上胸壓周柏豪,非常大膽!
不過,千嬅都有付出0架,預告片包括有一場佢同黃浩然嘅床戲,另一場係佢俾周柏豪偷吻。柏豪噚晚出席煞科時都話:「呢個吻係唔小心之下發生,要演唔小心錫到很好難拍,要拍好多次。」咁咪好……「咩」囉?柏豪自己都話:「我拍呢場戲都幾開心0架!」
精選娛聞,喺晒《娛果》
http://fb.com/appledailyent
千嬅相隔17年,再次幫無綫拍劇。惡女角色,都幾「楊千嬅」。(電視截圖)
千嬅喺劇中最後同周柏豪係一對,而呢場唔小心錫到嘅戲,仲NG咗好多次。(電視截圖)
柏豪其實真係識演戲0架。有睇過《再創世紀》就明。(電視截圖)