今個月16號就係性感女星陳雅倫（Ellen）48歲生日，雖然正日未到，但已有大班朋友開始同Ellen慶祝，有朋友幫佢喺澳門搞咗個驚喜生日派對，相中見到好姊妹李麗珍同好友吳廷燁，佢哋玩得鬼咁開心，Ellen雖然已係熟女，但因為保持到美好身段，時至今日Ellen依然堪稱性感尤物，經常大騷身材。

Ellen喺微博貼咗生日派對相，見佢身穿黑色喱士低胸裝，豐滿W胸乍現眼前，仲笑得好風騷，身邊李麗珍就只係穿著圓領衫，打扮得十分樸素，旁人一睇就知主角誰屬。

Ellen仲留言：「WhatasurpriseBirthdayPartyinMacau...好意外驚喜的生日party!超級感動超級醉!16thFeb...MyBirthdayiscomingthisweekend!」睇嚟佢十分之期待踏入48歲一刻，同時好enjoy朋友幫佢搞嘅生日party。