當年今日
關於我們
被指四次申請做傑青 何韻詩:太睇得起我
蘋果日報 2013/08/20 06:00
何韻詩
阿詩話多年來只係獲提名過一次傑青。
何韻詩自言唔追求名利。
近日忙於宣傳翻唱師傅梅艷芳歌曲嘅何韻詩,今日去到商台宣傳其中一首翻唱歌,講到有報道指佢先後四次申請做傑青,佢一頭霧水表示唔明點解有呢單報道,佢坦言咁多年只係獲提名過一次,嗰次係因為幫車淑梅做《十日談》,對方主動提議提名自己,佢話:「佢覺得我做得好就提名我,仲記得當年有份面談主席之一有梁振英。」
獲提名者要跟評審主席等人會面,阿詩仲記得當日去到係着牛記笠記,結果係冇被選中,阿詩大方話:「我冇失望,因為我唔追求名利,名銜對我唔重要,實在太睇得起我毅力,年年都去咁唔駛做其他嘢。」