當年今日
關於我們

【疑似柏豪淫照】「大」文豪瘀事「大」回顧

蘋果日報 2013/09/27 06:00


周柏豪今年28歲,好多年前入種星堂成為模特兒,後來經陳光榮及鄒世龍賞識,07年加入樂壇,拍過唔少戲同唱過唔少歌,但係佢嘅花邊新聞同燶事,都唔少。

玻璃潮文:
喺舊年一月,柏豪佢唔小心打碎咗一隻玻璃杯,之後用咗十五分鐘去欣賞一地嘅玻璃碎,話係睇玻璃碎嘅美態。之後仲將玻璃碎排得靚靚咁影相放上網,兼撰寫咗一篇「美文」,結果被網民不停瘋傳同抽水,唔止被人封做「大文豪」,該文章更成潮文典範。

疑博宣傳:
喺舊年十月,柏豪去巴黎旅行,之後公關公司發放咗身穿間條衫嘅柏豪同兩位香港女遊客嘅合照,仲話兩個女遊客好興奮咁講:「穿間條衫的男孩很吸引呢!」豈料該兩名女遊客即於網上回應,話柏豪作大,喺度做新聞博宣傳咁話。

誤賀死忌:
今年六月仲大件事,明明係Beyond已故主音黃家駒逝世20周年,柏豪卻於微博同Instagram貼咗張黑白照,仲留言祝家駒生辰快樂0添。但係可惜嗰日係黃家駒嘅死忌唔係生忌,張相一出街,又即時畀網民瘋傳狂插。

依家流出呢張疑似柏豪「閃卡」,點算?