新一屆香港小姐已經誕生，由23歲嘅雷莊𠒇（Juliette）勇奪后冠。唔少人即刻對呢位出爐港姐產生興趣，點解？因為佢個名夠特別囉，中文名字用咗個「𠒇 」字，如果用手機或電腦打都可能會出現怪碼，仲有人喺King Jer嘅facebook留言，話以為係個「兜」字，又有人覺得係古字。

咁究竟要改一個咁特別嘅名呢？今晚Juliette賽後都有解開呢個謎團。原來係自己大頭蝦，佢話﹕「返香港攞身份證時，剩係顧住睇自己英文名有冇串錯字，但唔記得睇中文名。直到選港姐時，見工作人員寫我個名叫雷莊𠒇，問番人點解咁寫，佢哋話係根據我張身份證嚟寫，先知自己一直用錯『𠒇』字。」

Juliette都打算遲啲去改番個『𠒇』字，變番「兒」字，咁大家以後搜尋佢時都唔使咁苦惱喇！

而Juliette嘅父母一直都有在場睇佢表現，賽後仲有錫面，恭喜佢得冠軍。Juliette都承認自己喺問題環節表現一般，會因而失分，又唔覺得自己因為中文唔好而贏唔到：「唔會畀自己壓力，贏到都好surprise，自己好有信心，想鼓勵多啲女仔要有信心，要先愛自己，唔好介懷輸定贏。」佢承認最後一刻心情特別緊張，因為好想贏。

雷莊𠒇話自己個名係自己大頭蝦用錯字，不過呢個字又點嚟呢？有fb專頁「讀史片」就話：「話說呢，應該有好多人睇唔明個『𠒇