日本長壽節目《志村動物園》其中嘅《阿笨與阿占》曾經風靡亞洲觀眾，可惜狗狗阿占已經離世，猩猩阿笨亦已絕迹螢光幕，近年由阿笨囡囡Pudding（小布丁）接力成為阿蘇市Cuddly Dominion動物園生招牌，小布丁亦以阿笨嘅招牌工人褲裝束亮相節目《志村動物園》，與著名男星志村健再建立深厚感情。

噚晚播出新一集《志村動物園》，就要考考小布丁認唔認到志村健，節目先安排志村健同另外兩人戴住佢個肖像面具，睇吓小布丁可唔可以靠感覺認到佢，點知小布丁喺三人身邊走嚟走去，揀唔定邊個係志村園長，最後志村健唔忍心小布丁咁煩惱，除低面具，小布丁亦終於發現園長，上前撲入志村健懷中。

精選娛聞，喺晒《娛果》
http://fb.com/appledailyent