前網壇一姐舒拉寶娃因服用禁賽被罰停賽15個月後，周三喺斯圖加特網賽解禁復出！呢位30歲俄羅斯球手喺女單首圈激戰1小時43分鐘，以直落兩盤擊敗世界排名35嘅意大利球手雲芝晉級。（now634台今日8:00pm直播）

直落兩盤淘汰雲芝

雖然舒娃闊別球壇15個月，但佢嘅狀態依然保持得唔錯，全場打出11個Ace球同39次主動得分，終以直落兩盤7:5、6:3贏波，次圈將會惡鬥同胞瑪卡露娃。舒娃賽後表示：「呢個係世界上最好嘅感覺。自少女時代呢度就係我嘅舞台，我等咗呢一刻好耐喇。」
不過，同日喺伊斯坦堡網賽女雙首圈贏波嘅寶查，就突然加入「反舒娃聯盟」，仲話舒娃得到外卡會成為壞榜樣：「呢件事對其他冇食禁賽嘅球手好唔公平。我覺得WTA向小朋友發出錯誤訊息：『作弊啦，我哋一樣會張開雙臂歡迎你。』」