跨界別「三罷」集會人群中，銀髮族的身影也能見到，包括年屆72歲及66歲的張氏姊妹花。已退休及行動不便的姊姊，今日堅持手執柺杖到場撐年青人，仍然工作的66歲妹妹亦響應罷工，今日邊拿着「櫈仔」邊扶着姊姊，兩姊妹結伴緩步走到添馬公園參加集會。她們證明了年齡不是界限，銀髮族也是可以是關心社會及民主的一群。

記者林穎嵐 徐雲庭

張氏婆婆原本均來自製衣業界，但姊姊早年因椎間盤突出要退休，只餘下妹妹仍工作。兩姊妺指二人自6.12起，每次都參與反送中集會，仍在製衣業工作的妹妹指，公事同事大部分都是年長人士，幾乎全公司都是「藍絲」，「我唔敢喺公司講政治，就算係鄰居長者都唔講得，啲人話我哋搞亂香港，會俾人指住嚟鬧。」

故做妹妹的張婆婆今日只能請病假參與集會，沒有告知其他同事及家人。兩人坦言不論是在公司還是在家庭都不敢談及反送中，直言感到壓力，既怕同事指罵，又怕家人阻止參與。

兩位張氏婆婆居住柴灣，她們都是土生土長的香港人，生於香港亦成長於香港，親歷香港六七暴動，亦曾參與六四集會。「我哋經歷過好多唔公平，香港制度就係咁，班後生仔就係爭取緊公平，係為我哋香港人爭取！」

兩位張婆婆指年老一代不懂為下一代設想，認為許多人覺得「自己都享受唔到」，甚至覺得事不關己。但張氏婆婆卻認為「以前讀書老師教我哋嘅嘢就係畀心機搵錢，其他嘢冇人識」，導致今時今日的後果，要由年青人或小朋友承擔。

兩人認為香港年輕一代「做緊嘅嘢，係我哋後生時唔敢做嘅事」，即使示威暫行動升級，兩名婆婆亦堅持誓不割席，「同以前六七暴動比差好遠呀！」她認為前線示威者再暴力都比不上警員，「都已經俾你按低咗，點解仲要用膝頭跪住壓佢條頸呀？」曾經在612吸入催淚彈、多次上街遊行及參與8.5首次全港三罷的張姊姊坦言，未來會繼續參與罷工及抗議行動，希望「做得幾多得幾多」。

【撐學生】
召集有心人 撐學生全年睇《蘋果》
立即按此

你敢爆，我敢獎！ 立即WhatsApp《蘋果》24小時爆相爆片熱線 或致電：63836568