曼聯雖然近況差而且有一打球員因種種問題缺陣，但是其周一英足盃16強對手梳士貝利也不是好貨色，加上紅魔近年於英足盃鬥低組別球隊少失拖，信他們反底贏波，直取「讓球主客和」[-1]「客勝」。
曼聯上周四於歐霸盃32強首回合，爆大冷以1:2敗走丹麥球隊米迪蘭特，近八場比賽三勝兩和三負，狀態麻麻，其中於客場更連續三場不勝。另外，他們續受傷病問題困擾，缺迪基亞、馬高斯盧祖、舒韋恩史迪加、費蘭尼及朗尼等12名球員，而有份於上周四落場的小將當奴路夫則不合上陣資格，故此，領隊雲高爾無法排出強陣。儘管他們殘陣，惟仍有羅美路、基斯史摩寧、桑馬達、安東尼馬迪爾及迪比等壓陣，實力仍強過主隊梳士貝利；其中迪比於盃賽的表現遠比聯賽好，上陣12場入四球。

梳士貝利英甲尾四

還要留意的是，曼聯於英足盃對低組別球隊，成績亦好，今屆就先後贏過錫菲聯1:0及打比郡3:1；連同上屆對伊奧維、劍橋聯及普雷斯頓，六戰五勝一和（包括一場重賽），五場勝仗中更有四場淨贏兩球或以上。
梳士貝利只有借將中場占士華萊士因膝傷缺陣，陣容比曼聯完整，但他們現時於英甲排尾四，可見實力及狀態俱差，故即使曼聯處於低潮，主隊亦未必有力製造冷門賽果。信曼聯可於梳士貝利踢爭氣波，贏波晉級之餘兼贏盤開出[-1]「客勝」。
賽制：若在90分鐘內打成平手需要重賽。
文：青蛙仔