當年今日
關於我們

油甘子貨源有限

蘋果日報 2002/08/09 00:00


油甘子食味酸甜,頗有生津止渴功效,每年七至九月就搵到佢嘅蹤影,炎炎夏日,我肥師奶最鍾意買磅看門口,每當口乾或胃口欠佳,食番粒即時有潤喉兼醒胃作用,初嘗油甘子會發覺佢帶苦澀味,但隨之而來則是甘甘哋嘅味道,喉嚨唔舒服食佢最好。佢勝在經濟實惠,一磅只係五蚊左右,要買好趁手,貨源有限!
白䱽清甜嫩滑
䱽魚有好多唔同嘅種類,價錢同質素都可以有好大嘅差別。好似最靚嘅係鷹䱽,要賣成差唔多一百蚊斤,而平價嘅黑䱽就十蚊左右都有條,不過如果要顧及荷包又要唔難為肚皮,我就會選中價嘅白䱽,而且呢排啲白䱽都幾靚,佢無鷹䱽咁貴,但肉味清甜又算嫩滑,用麵豉蒸唔錯。