喬寶寶今日喺銅鑼灣街頭為佢代言嘅葯油品牌宣傳，將產品派街坊，同場仲有何紫綸。喬寶寶喺8號就會移居到蘇格蘭，佢表示今次係暫別前最後一次公開活動，但往後有工作都會回港。

有指李思捷喺喬寶寶嘅告別派對上公開陳雅倫女友身份，喬寶寶就話：「唔清楚，當日好多朋友在場，唔會特別留意佢哋，而且李思捷係玩嘢王，我驚佢玩我。」喬寶寶仲表示唔認識陳雅倫，當日陳雅倫係同一位導演嚟。仲話識得春卷，讚佢為人好大方。