各國央行持續印銀紙救市，加上抗疫措施升級，為資產市場重新打了一劑強心針，安里證券研究部董事湯麗鴻表示，現時壞消息已經盡出，恒指已穩守23,000點。

她續指出，港股早前已跌到低殘水平，內地PMI數據好過預期，對港股有提振作用。按目前情況而言，她認為壞消息已經盡出，恒指已穩守23,000點，港股具強韌力，「之前最低見21,139點，好多人睇得好悲觀，甚至睇穿20,000點，加上技術性分析最差是50天線穿100天線，已有見底訊號」。

唐牛繼續維持大市企穩的看法，稱恐慌指數已經回落，窩輪市場CALL、PUT輪跌Vol情況嚴重，反映市場認為未來波幅轉小，「以往日日一千點上落嘅日子暫時過去，或者叫做喘穩，初步21,000已見底，除非再有黑天鵝，「舉例騰訊要去返320至330蚊，暫時都比較難，真係搏再上就要買貴少少」。

有觀眾問到現價買入騰訊抑或阿里巴巴（9988）較為理想，唐牛利伸持有騰訊，無持有阿里巴巴。他解釋，雖然阿里巴巴現價硬淨，但礙於軟銀減持消息，傾向再吼低位買貨，「相對700值搏率較高，但要留意330元水平反彈，已經好多陽燭衝上嚟，吼360元左右水平買入會較好，利伸我今日都沽咗啲700啦」。

至於近期形勢大好的美團（3690）績後一度升10%，湯麗鴻表示，「美團係ATM三隻入面最勁…如果而家買熊，都幾大風險」。

本周嘉賓推介中海油（883），目標價9.8元，以及中國飛鶴（6186），目標價14.4元。湯麗鴻認為油價有機會反彈至30美元樓上，料中海油可以受惠；唐牛稱有三大賣點，一是內需龍頭，二是具增長動力，估值不貴，三是納入港股通後，北水持續流入。

暫時中海油升逾半成，報8元，另有大行加持的中國飛鶴股價急升8%，高位一度見14元，暫報13.82元。

中信里昂最新將中國飛鶴目標價由14.7元升至15.7元，維持買入評級，並視中國飛鶴為必需品消費行業中首選。

本周心水股

湯麗鴻 中海油（883）目標價$9.8
唐牛 中國飛鶴（6186）目標價$14.4

【午市急CALL】Kimmy、唐牛話你知撈貨時機 邊隻好

日期：3月31日（周二）
時間：12:45PM – 13:15PM
主持：Willa
嘉賓：安里證券研究部董事湯麗鴻
嘉賓：蘋果專欄作家唐牛

重溫網址

果燃台
蘋果ATM
蘋果YouTube