BB有幾得意，相信大家睇樣就會知，圈中都有啲BB係好得意，今日同大家數下圈中最近嘅得意BB。

車婉婉喺4月嘅時候佢就生咗8磅9安士嘅 Justus，之後就成日喺IG貼佢嘅高齡日誌，分享佢做媽媽嘅心得，當然會貼佢個B嘅超得意相啦。

喺五月嘅時候，蘇永康嘅囝囝Jazz出世喇，阿公做咗爸爸之後，成日都湊住Jazz周圍去，不時都可以睇到阿公個冧樣，Jazz個樣得意深得大家嘅歡心，但最勁嘅係Jazz嘅契爺，分別係Eason同黃子華，係咪好勁呢？

16年嘅時候，樂隊Mr嘅主音布志綸（Alan Po)，生咗佢嘅囝囝肥冬瓜，Alan成日都會貼肥冬瓜嘅片，有時就做下清潔咁，有次Alan仲影咗一張相，係佢嘈醒咗肥冬瓜，肥冬瓜嗰個樣幾咁可愛。