女子組合As One成員陳嘉茵（Kayan）今日去咗商台受訪，分享戀愛經歷，佢指自己拍拖次數唔多，但個性心急，每遇到心儀對象都會主動出擊：「讀書時我係田徑隊，當時好多女同學都鍾意隊中一位師兄，我就主動問佢拎電話，送生日蛋糕同卡，但追咗3年都失敗，可能我唔夠靚，當時係箍牙。」佢話喺嗰3年入面，佢只係同師兄約過一次出街睇《哈利波特》。

女追男隔層紗，Kayan認為讀書時成功率唔高，因為心急又衝動，到成熟後開始懂得冷靜點，同異性溝通有啲技巧，成功率增加，連身邊女性朋友都向佢請教。

講到As One明年開始個人發展，佢表示會繼續跳唱為主，今日首次單獨受訪，佢坦言事前心情緊張，要同隊友們取經，即使暫時拆開發展，四姊妹感情仍舊冇變。