羅鈞滿大前年被踢爆秘戀新聞小花張文采後，不時高調拍拖晒恩愛，直至今年5月，羅鈞滿被影到在尖沙咀夜店偷嗒長髮空姐，4年感情終於玩完，張文采昨日在網上貼文宣佈分手消息後，本報致電給她求証，她透過電話說：「唔講喇！要講都講咗喇！多謝關心！」問她現在心情如何？她則笑着說：「從來都好好呀！多謝關心！真係無嘢講喇！多謝關心！」明顯對自己揮慧劍斬情絲的舉動，一點都不後悔。

張文采昨日在facebook貼文，以簡單幾十個字向友人自爆分手消息，她說：「從來都唔會為自己做過嘅嘢後悔，但今次我實在太蠢，白白浪費咗4年。依家我重生喇！一身鬆晒！」不過，她有朋友誤會她即將離開無綫轉工，最後張文采再留言解說：「我諗你會錯意，哈哈哈」然後又寫：「我喺度做咗六年架！」擺明暗示自己所寫「浪費咗４年時間」，並非指她在無綫的工作，她的朋友才知道她講的是感情事。本報昨日亦有致電羅鈞滿問他分手一事，他接聽電話後即說：「唔好意思，唔方便答你問題。」然後立刻收線。

自稱是三線藝人的羅鈞滿沒有知名度也沒有代表作，直至2012年被影到與網民女神、無綫新聞主播張文采拍拖，加上張文采當日被指搞喊另一新聞之花黃紫盈，他出言力撐女友，見報率才稍為上升，無綫更趁機力捧他，除了安排他參加自家製歌唱比賽《星夢傳奇》，又安排他擔任《勁歌金曲》主持，實行以自己奀星自己捧的政策，希望谷他上位，填補電視台小生買少見少的局面，可惜羅鈞滿天生沒有觀眾緣，加上早前盲撐無綫，支持政府不發牌予港視，即時被網民插爆，因此昨日張文采貼文後，網民即時在討論區熱烈討論，更有人指張文采早就應該跟他分手。