胡子彤（Tony）今日去到商台接受訪問，講吓嚟緊嘅目標同近況，自從攞咗金像獎最佳新演員之後，Tony喺幕前嘅工作量越嚟越多，運動員出生嘅佢，就話仲未習慣做演員嘅作息時間，仲呻少咗時間做gym，瘦咗5磅，就連女友歐鎧淳都心痛，要佢食番多啲嘢，維持返身形。Tony話o依家要努力把握工作機會，咁酬勞有冇升呢？Tony就話：「真係唔知，我需要多一個機會多過片酬高，我寧願多個機會，因為錢係好虛無，錢係搵唔晒。」最近佢就忙於拍攝fox嘅新劇《心冤》，同惠英紅、黃秋生等前輩合作，佢話：「好緊張亦好開心，做演員嘅夢想係同影帝影后前輩合作，我要準備好啲，等佢哋有個好嘅印象。」

講到日前係Tony 25歲生日，佢就話同女友去咗海洋公園玩，女友仲親手整咗個芝士蛋糕同佢慶祝，兩個一邊玩一邊食，係咪好冧？佢甜絲絲話：「實冧。」

緊貼「蘋果VR」熱潮，打開雙眼隨意門，讓「蘋果VR」陪您探索新世界： https://goo.gl/b5RQAB

「蘋果VR」App

App store下載： https://goo.gl/0kW2cK

Google Play下載： https://goo.gl/4K7EHw