當年今日
關於我們

休班警否認強姦女友人 「唔自願佢嗌咗救命啦」

蘋果日報 2017/12/01 14:28

因姦成孕休班警李偉嘉

警員涉帶新相識的醉酒女友人到九龍塘時鐘酒店強姦,事後女方懷孕,但警員拒絕「認頭」,直到女方訛稱已經報警,警員才承認兩人當晚曾性交及鬧自己「人渣」。案件今續審。控方今早播放被告李偉嘉(30歲)去年7月14日的警誡錄影會面片段,被告自言案發前已曾於女事主X家中與她兩度性交,他當時曾問X「不如咩嘢囉」,X之後便主動吻他,「做嗰時攬得我好實」;其後X又主動脫衣、「摸我細佬」及替他口交。被告反問警員:「唔自願點會同我錫?俾我摷啫?唔自願佢嗌咗救命啦!」
被告於會面中堅稱去年6月19日案發當晚在九龍塘時鐘酒店內沒有強姦女事主X,反而兩人先後於6月12日及19日曾在X的家中性交。
被告又指至7月5日突收到X的訊息,X自稱懷孕,叫被告負責任,又要求被告支付3萬元手術及補身費用,否則報警「等坐監」。被告向警員表示:「我心諗,大佬,第一我唔係唔負責任,第二我哋喺你屋企搞,你情我願,坐咩監?」惟被告坦言當時十分驚慌,「你報警影響我份工、前途、屋企人,我阿媽得我一個,好多病痛,阿爸又死得早」。
被告又指X經常要他立即回覆WhatsApp訊息,否則會當他想「走佬」。被告嘆道:「我已經盡力覆,知佢有身孕,又痛,驚佢諗唔開。」惟X最終於7月11日報警。