復和綜合服務中心註冊社工黃靜嫺表示,相信女童今次並非突發性做出激動行為,之前應該有一些扭計行為表露出來,家長或者未有察覺。
黃靜嫺認為女童拒絕上學的原因,壓力應來自學校,6歲學童應讀小一,正值幼稚園升小一的高危情緒變化期,她說:「9月新學期,由幼稚園升上小一,要適應新環境同新朋友,教學方式唔同,紀律又嚴咗,功課又多,小朋友都要一一適應。」
黃靜嫺又稱小朋友遇壓力,可能會出現睡眠質素差、磨牙、肚痛、嘔吐及發脾氣等情況,日積月累下來,如家長未察覺和及早處理,小朋友會出現失控情況,嚴重者甚至會患上焦慮症。黃提醒家長:「小朋友面對壓力同問題,家長或會覺得好小事,如果上堂唔可以傾偈,又唔可以去廁所,要等小息先去,呢啲喺小朋友眼中,其實都係大事。」
黃靜嫺建議家長應養成經常與子女傾偈溝通的習慣,「冇問題都要多啲傾偈,其實喺傾嘅過程,小朋友可以從中紓緩壓力,家長要多啲聆聽同多啲理解小朋友嘅處境,唔使畀咁多解決方法,要同小朋友一齊去面對問題」。