《復仇者聯盟4》嘅預告終於有得睇，仲有埋戲名《Avengers：End game》，預告一開始就係Ironman 自己錄緊條片，條片就係拍畀老婆Pepper，佢就話自己喺太空流浪，四日前已經斷咗糧，氧氣就得返一日，仲話每晚瞓覺都會夢到Pepper，好似錄遺言咁。

之後就見到Thanos嘅盔甲掛起咗，佢就戴住隻爛嘅無限手套行過，然後成過預告就冇見過佢。鏡頭一轉就見到美國隊長同黑寡婦傾偈，內容都係話死咗好多人等等，最驚喜就係鷹眼又出場喇，不過佢今次就唔係用弓箭，而係用刀，睇佢個表情應該有嘢改變咗佢。黑寡婦同美國隊長講：「會成功！」聽落似係佢哋有啲計劃，應該就關Marvel隊長事喇，不過成個預告都唔見Marvel隊長。最後就蟻俠出場，喺《蟻俠2：黃蜂女現身》入面，蟻俠係入咗量子領域，睇嚟佢係諗到方法出嚟喇，當然佢出場都有搞吓笑，令到個氣氛輕鬆啲。

精選娛聞，喺晒《娛果》
http://fb.com/appledailyent